Benvidos e benvidas!

Queridas familias,

Chegou o momento de afrontar o terceiro trimestre e dende a escola queremos facervos chegar o noso ánimo e felicitacións polo esforzo que estades a facer nas casas.

Sabemos que hai moitas formas de vivir e sentir nestes momentos tan inusuais en cada familia (no que cada neno ou nena en particular ten as suas necesidades lúdicas, tecnolóxicas e de obrigas en xeral).

A nosa proposta é achegarnos un pouco máis aos vosos fillos e fillas dun modo sinxelo e sen obrigas. Será unha ferramenta de comunicación, de forma virtual pero sen perder a emoción de escoitarnos e vernos, ainda que sexa dun chisco do voso tempo de confinamento. Para tal fin as mestras e os mestres de 1º e 2º de primaria fixemos un blog: "Baixo o Tellado", onde se presentarán diferentes propostas tipo "Circula".

Cada quen poderá acceder ás actividades que desexe, sempre dunha forma lúdica, globalizadora e nunca obrigada nin avaliable.

Por outra banda estamos a crear un espazo dunhas horas para cada curso onde os nenos e nenas que queiran poidan conectarse cos seus mestres e outros compañeiros nunha sala virtual para saúdar, falar e rir.

Contacto

Grazas por acompañarnos nesta nova aventura tecnolóxica, animámosvos a que visitedes o noso blog e a que as rapazas e os rapaces o disfruten tanto coma nós.

As mestras e mestres do Primeiro Ciclo





Contacta aquí

Escríbenos

COLEXIO MARTÍN CODAX
Avda. Aeroporto, 734

36318 Vigo, Pontevedra

primeirociclomartincodax@gmail.com

Chámanos

(+34)986 28 80 95